✿ آلبَآرت آلثّآنِي ✿
’ مِرتَآحّ • آحِبِّـک • ولَآ عَلَّمتّ ' حَتَّى آنتّ عَيِّيت آبَيِّن لِکّ ‘
♥♥♥
في الإمارات :
رآشد منسدح بغرفته ويتكلم بالفون مع صديقه أحمد ..
أحمد : أقول ليش ما تبى تسير الجامعه اليوم ؟
راشد : والله مالي نفس أداوم اليوم ..
أحمد : هيييييي أنته شوه تتحراها جامعة أبوك صاير تروح يوم ويوم لا ..!
راشد : لا والله أتحراها جامعة يدي ..
أحمد : والله إن الحب لاعبن بك ..
راشد : أحمدوه والله إني أحبها .. صار لي شهرين وخمسة أيام ما شفتها ..
أحمد : شوها بعد حاسب كم يوم .. ما تدري كم ساعة بعد ؟
راشد : تتمسخر علي وأنا أخوك !
أحمد : لا ،، بس شوف حالتك .. والله ما صار هذا حب ..
راشد : آآآآآآخ يا حمود البنت صاروخ ..
أحمد : شوه صاروخ !! لا أحسن مدفع .. رشود تراك تدري البنات ما منهم أمان << ف عينك يا الأثول ..
راشد : هب جمال وبس البنت جذابه ف كل شيء .. عليها أخلاق وأدب وأسلوب عذاب ..
وجلسوا سوالف .. راشد العاشق المشتاق .. وأحمد إللي متحسف ع صديقه ..
وبعد ما خلص من السوالف .. دز مسج لـ مــلاك كاتب فيه :..
بالسيارة عند نواف وملاك ..لُۆ ٺسـأل ﭑلايـآم ’
گمْ (گنٺ) ھﺂۆيڳ </3!
ﭑقسم بـ رب ﺂﻟڳۆڼَ . . تبڳي ﻋيْۆنڳ
يـآ وُحـّشـةُ غـَيآبگ ويـآشّيٍنْ فْرقُـآگ :'(
~ هُـۈيـتـِـِگ ~ <3
♥♥♥
في عُمان :
كانوا الاثنين ساكتين ..
نواف : ليش ساكته ؟
ملاك (تبتسم): ما في شيء أقوله علشان أتكلم ..
نواف (خق على ابتسامتها): قولي أي شيء عنج وعن حياتج ؟
ملاك (مستغربه): ...........................!
نواف (ما حب صمتها): طيب عن دراستج ؟!
ملاك : الحمد لله الدراسه زينه وحلوه ..
نواف (والله ما حلو إلا أنتي يا قلبي): أ..
قطع كلام نواف المسج إللي وصل لـ ملاك ..
ملاك استغربت وآرتبكت وطالعت نواف وبعدها قامت ترجف ..
نواف (بفضول وغيره): من إللي دز المسج ؟
ملاك (بارتباك): هااااه ّ! لا ولا أحد ..
نواف (تنرفز): عطيني أشوف ..
ملاك (خافت): لا مالك علاقه ..
نواف (أخذ جوالها غصب وشاف المسج وانصدم وجلس يناظر فيها): من راشد ؟
ملاك (بخوف): راشد ولد عمتي طيف ..
نواف (وقف السيارة وبعصبيه ويصارخ): لا والله وطايحه معه مسجات غراميه وحب ..
ملاك (دموعها خانتها وبدت تنزل على خدها): نواف لا تفهم غلط أنا والله ما أرد عليه ، هو دائمًا يرسل وأنا أحذف مسجاته وأطنش والله العظيم (وجلست تبكي)..
نواف (مسح دموعها بكل رقة وحنان): أنا آسف والله آسف ، طلبتك يكفي دموع لا تحرقين قلبي ..
ملاك (تبكي حيل): ......................... (فضلت تسكت)
نواف (قلبه يتقطع ويدعي على نفسه): ملاكي أنا بس انقهرت والله آسف ما راح تتكرر أنا أثق فيك ..
ملاك (تمحي دموعها وتغمض عيونها وتآخذ نفس): لا عادي حصل خير .. وديني الجامعة ..
نواف (آإأخ يا قلبي): لا ما راح أوديج الجامعة ..
ملاك (تنرفزت): نواف الله يخليك وديني الجامعة ..
نواف (ما حب يضايقها) : حاضر ..
وركبوا السيارة ..
ف بيت أبو محمد ....♥♥♥
أرياف توها خلصت ونزلت تحت عند محمد إللي كان يطالع الـ تي ڤي ..
أرياف (تبتسم): صباح الورد حمودي ..
محمد (يرد الابتسامة): صباحك سكر أرياف ..
أرياف : شلوناتك ؟
محمد : لوني أبيض ودمي أحمر وعيوني عسليه وشعري أسود وأنتي شحالك ؟
أرياف (تضحك على هباله): يسرك الحال ..
محمد : يـلا بسرعه خلينا نروح .. لا تأخريني ترى أنتي تعرفي إني بزنس مان وحدي مشغول ..
أرياف (تطالعه بنظرة تفحص من فوق لتحت): شو بزنس مان ومشغول .. هاااه قصدك بسبس مان ياكل فول !
محمد : هههههههههه يلا عاد ..
أرياف : آمممممم عاد ولأ ثمود !
محمد (تنرفز شوي) : أرياااااااااااااااف ..
أرياف : أرياف ولأ ألياف ..!
محمد (تنهد) : الحمد لله والشكر (وبنظره تخوف): يلا لحقيني ع السيارة ..
أرياف (خافت من نظرته): حاضر سيدي ..
وراحوا محمد وأرياف للسيارة ..
ف مدرسة شــهـــد ...♥♥♥
بدت الحصة الأولى ’
البنات كان عليهم رياضيات يعني عليهم أستاذة نجاح ..
مريم (بهمس): متى راح تنفذين الخطة ؟
شهد (بنفس الهمس): ألحين .. (ودخلت إيدها لدرج الطاوله وطلعت علبة)..
مريم (ماسكه ضحكتها وبهمس وتحرك حواجبها): والله وراحت فيها نجاحووه ..
شهد (فتحت العلبة وخلت الصرصور يطلع): عشان تعرفين إني مش سهله .. (وتغمز لها): هع
وراح الصرصور لعند الأستاذة ...
والأستاذة تسمع وشوشة بين البنات وتنرفزت..
ذ/: نجاح (بصراخ وعصبية): بسسسسسسسسسسسسس أنتي وإياها < ﺄعوذ باللۿ حتى الكرسيے ٱرتجف
البنات (انفجعوا من الصرخة): .............................. ....................
ذ/: نجاح (تكمل كلامها): هذا أنتوا كل يوم سوالف وعند الاختبارات ات.... (انتبهت للصرصور وصرخت): آآآآآآآآآآآآآآآآآآآآآآآآآآآآآآ آآآآآه صرصور (وركبت فوق الكرسي): بنات الله يخليكم شيلوه ........ آآآآآآآه ..
البنات : ههههههههههههههههههههههه ..
مريم (تهمس لشهد وبسخرية): ههههه شفتي إللي تخوفنا طلعت تخاف من الصراصير ..!
شهد : هههههههههههههههههههههه ..
أحلام (راحت عند الأستاذه ومسكت الصرصور ورفعته عند وجه ذ/: نجاح): أبله شوفي ما يسوي شيء فديته .. << قرف
ذ/: نجاح (خايفه وتصارخ): آآآآآآآآآآآآآآآآآآه شيليه من هنيه الله لا يوفقكم ..
ميهاف كانت جالسة ف غرفتها ومتضايقة من تصرفات أبوها ..♥♥♥
في الإمارات :
وإللي قطع أفكارها صوت الباب ...
ميهاف : تفضل ..
أبو طلال (فتح الباب ودخل غرفتها):...................... ..
ميهاف (تطالع أبوها وباستغراب): باباهہ !! هلا حياك ..
أبو طلال (يبتسم وجلس جنبها ويمسح ع شعرها) : متى بتروحين إيطاليا ؟
ميهاف (ارتمت ف حضنه وفرحانه حدها): المفروض عقب يومين ..
أبو طلال : حجزتوا حق الطيارة ولأ لا ؟
ميهاف : لا والله أبويه ، احنا ما نسوي شيء بدون رضاك ..
أبو طلال (يبوس راس بنته): آهـــاا أنا ما عندي مانع بس ديروا بالكم على بعض ..
ميهاف : لا تحاتي باباتي أنت علمتنا نكون مع بعض دائمًا ..
ميهاف حدها فرحانه وتحس بالراحه ف حضن أبوها ..
وأبو طلال يبي يحسسها بالحنان إللي فقدته ..
ف قصر ضخم ألوانه تتدرج بين البني والأورانج والأصفر وكانت كل زاوية فيه تروي قصة .. كان فخم بشكل كبير ... والظلام كان يملي المكان ...♥♥♥
في عُمان :
كان جالس على الكنبه الفخمه ومآسك بإيده كتاب ويقرأ وهو مندمج ..
دخل عليه مرافقه الشخصي ..
وقبل ما ينطق المرافق نطقت شفايفه : وينها ألحين ؟
المرافق : بالجامعة يا أستاذ ..
......... (يتكلم بكبرياء): تمام .. بالأمس وين كانت ؟
المرافق (يتكلم وهو يحس بهيبة إللي قدامه): بالصبح راحت ع الجامعة والظهر رجعت البيت والعصر طلعت مع بنت عمها شوبينج ورجعت البيت عند أذان المغرب وبالليل سهرت ف بيت عمها وبعدين رجعت لبيتها ونامت ..
......... : من إللي وصلها الجامعة ؟
المرافق : إللي وصلها اليوم ولد عمها طال عمرك ... و..
....... (يقاطعه): وآيش بعد ؟
المرافق (بتلعثم): ما أعرف إللي صار بالضبط بـ بـس
........ (بنفاذ صبر وعصبية): لا تجلس تبسبس انطق تحكى بسرعة ..
المرافق (بخوف): السيارة وقفت بنص الطريق وجلس يسولف معها و ..
........ (بصوت يخرع): لييييييييش ؟
المرافق (يرتجف): ما أدري طال عمرك .. بس إن شاء لله راح أعرف ..
سكت والعصبية ف عينه باينه وما تخفى على أحد وأشر للمرافق عشان يطلع .. ورجع يقرأ وهو يفكر ف شيء الله أعلم به .. هالشخص أمره غريب ف عينه تشوف فرحة مقتولة ومدفونة بجوفه وكله آمال ضائعة وحزن ماله حدود له ماضي حبله مقطوع .. ماضي يخليه يسبح ف بحر وتاخذه أمواجه بالعالي وبعدها تغرقه ..
راح نعرفه من خلال الأحداث ...